- препаратты пероральді түрде қолдану мақсатқа сай болмаған жағдайда – мысалы, операциядан кейінгі ауырсынуларда, бүйрек шаншығанда және арқаның төменгі бөлігі (бел) ауырғанда қарқындылығы орта-ша және жоғары дәрежедегі жедел ауыруды қысқа мерзімдік симптомдық емдеуде
- декскетопрофенге, кез келген басқа ҚҚСД-ге немесе осы дәрілік заттың қосымша компоненттеріне жоғары сезімталдық
- егер әсер етуі ұқсас заттар (мысалы, ацетилсалицил қышқылы және басқа да ҚҚСД) демікпе ұстама-ларының, бронх түйілуінің, жедел риниттің дамуын өршітсе немесе мұрын полиптерінің дамуын, есек-жемнің немесе ангионевроздқ ісінудің пайда болуын туындатса
- ойық жара ауруының белсенді фазасында/қан кетулерде, оларға күдіктенгенде немесе анамнезде қайталанған ойық жараларда/қан кетулерде (ойық жараның немесе қан кетулердің кем дегенде айғақ-талған екі дәлелінде) немесе созылмалы диспепсияда
- асқазан-ішектік қан кетулерде, басқа да қан кетулердің белсенді фазасында немесе қан кетулер ұл-ғайғанда
- бұның алдында ҚҚСД-мен емделумен байланысты, анамнездегі асқазан-ішектік қан кетулерде немесе тесілулерде
- Крон ауруында немесе спецификалық емес ойық жара колитінде
- анамнезде бронх демікпесі бар болғанда
- жүрек функциясының ауыр жеткіліксіздігінде
- бүйрек функциясының орташа немесе ауыр дәрежедегі (креатинин клиренсі <59 мл/мин) бұзылу-ларында
- геморрагиялық диатезде және қан ұюдың басқа да бұзылуларында
- коронарлық артерияларды шунттау операциялары жағдайында периоперациялық ауыруларды емдеу үшін
- жүктілік және лактация кезеңі
- 18 жасқа дейінгі балалар мен жасөспірімдерге
- эпилепсиялар
- бауыр аурулары бар пациенттерге
- маскүнемдіктен зардап шегіп жүрген адамдарға
Жиі (≥1/100 - <1/10)
- жүректің айнуы, құсу
- инъекция жасалған жердің ауыруы, инъекция жасалған жердегі реакциялар, соның ішінде қабыну, гематома, қан кету
Кейде (≥1/1000 - <1/100)
- анемия
- ұйқысыздық
- бас ауыру, бас айналу,
- көрудің көмескіленуі
- артериялық гипотония, беттің және мойынның қызаруы
- іштің ауыруы, диспепсия, диарея, іш қату, қан құсу, ауыз ішінің құрғауы
- дерматиттер, қышыну, бөртпе, қатты терлеу
- қызба, қажу, ауыру, қалтырау
Сирек (≥1/10000 - <1/1000)
- көмейдің ісінуі
- гипергликемия, гипогликемия, гипертриглицеридемия, анорексия
- парестезиялар, естен тану
- құлақтың шуылдауы
- экстрасистолия, тахикардия
- артериялық гипертония, беткейлік веналардың тромбофлебиті
- брадипноэ
- ойық жара ауруы, қан кету немесе тесілу
- гепатит, сарғаю
- есекжем, безеулер
- бұлшықеттің сіресуі, буындардың қимылсыздығы, бұлшықеттің құрысулары, арқаның ауыруы
- бүйрек функциясының жедел жеткіліксіздігі, полиурия, бүйректің шаншуы, кетонурия, протеинурия
- етеккір оралымының бұзылуы, қуықасты бездері функциясының бұзылуы
- діріл, шеткері ісінулер
- бауыр сынамаларындағы ауытқулар
Өте сирек (1/10000-на аз)
- нейтропения, тромбоцитопения
- анафилаксиялық реакциялар, соның ішінде анафилаксиялық шок
- бронхтың түйілуі, ентігу
- панкреатит
- гепатоцеллюлярлық патология
- Стивенс-Джонсон синдромы, уытты эпидермальді некролиз (Лайелл синдромы), ангионевроздық ісіну, беттің ісінуі, фотосенсибилизация
- нефрит немесе нефроздық синдром
Көбінесе асқазан-ішек жолы тарапынан жағымсыз әсерлер байқалады.
Әсіресе егде жастағы пациенттерде ойық жара аурулары, тесілулер немесе кейде өліммен аяқталуға әкелетін асқазан-ішектік қан кетулер дамуы мүмкін.
Қолда бар деректер бойынша, препаратты қолдану аясында жүректің айнуы, құсу, диарея, метеоризм, іш қату, диспепсиялық құбылыстар, іштің ауыруы, мелена, қан құсу, ойық жаралы стоматит, колиттің өршуі және Крон ауруы дамуы мүмкін. Гастрит сирек байқалады. Сондай-ақ ісінулер, артериялық ги-пертония және жүрек функциясының жеткіліксіздігі білінеді.
Басқа да ҚҚСД сияқты, келесі жағымсыз әсерлер болуы мүмкін: асептикалық менингит, ол негізінен жүйелік қызыл жегісі немесе дәнекер тіннің аралас аурулары, және қан тарапынан реакциялар (пурпу-ра, гипопластикалық және гемолиздік анемия, сирек агранулоцитоз және сүйек кемігінің гипоплазия-сы) орын алатын науқастарда туындайды.
Буллездік реакциялар, соның ішінде Стивенс-Джонсон синдромы және уытты эпидермальді некролиз (өте сирек) болуы ықтимал.
Клиникалық зерттеулердің және эпидемиологиялық деректердің нәтижелеріне сәйкес, кейбір ҚҚСД-ні әсіресе жоғары дозаларда және ұзақ уақыт бойы қолдану артерия тромбозы (мысалы, миокард инфарк-тісі немесе инсульт) әсерінен туындаған патологияның даму қаупінің біршама артуымен қатар жүруі мүмкін.
Ересектер
Ұсынылатын доза 8–12 сағаттық аралықпен 50 мг құрайды. Қажет болған кезде қайталанатын дозаны 6 сағаттан соң енгізеді. Жиынтық тәуліктік доза 150 мг-ден аспауы тиіс.
Декетон қысқа мерзімдік қолдануға арналған: оны жедел ауыру кезеңінде (екі тәуліктен аспайды) ғана пайдаланған жөн. Пациенттерді, мүмкіндігінше, пероральді анальгетиктерге ауыстыру керек.
Жағдайды жақсарту үшін жағымсыз әсерлерді қажетті ең аз уақыт ішінде тиімді ең аз дозаларды пайда-лану есебінен қысқартуға болады.
Операциядан кейінгі қарқындылығы орташа және айқын ауырулар кезінде, көрсетілімдер бойынша, ер-есектерге апиындық анальгетиктермен біріктіріп ұсынылған дозаларда қолдануға болады.
Егде жастағы пациенттер
Егде жастағы пациенттер үшін дозаны түзету әдетте қажет емес. Алайда бүйрек функциясының физи-ологиялық төмендеуімен байланысты, препараттың өте төмен дозасы ұсынылады: егде жастағы паци-енттерде бүйрек функциясының жеңіл бұзылуларында жалпы тәуліктік доза 50 мг.
Бауыр функциясының бұзылулары
Бауырдың ауырлығы жеңілден орташа дәрежеге дейінгі (Чайлд-Пью шкаласы бойынша 5–9 балл) пато-логиясы бар науқастар үшін жиынтық тәуліктік дозаны 50 мг-ге дейін қысқартқан және бауыр функци-ясын мұқият қадағалаған жөн. Декетонды бауырдың ауыр дисфункциясы бар (Чайлд-Пью шкаласы бо-йынша 10–15 балл) пациенттерге қолдануға болмайды.
Бүйрек функциясының бұзылулары
Бүйрек функциясы жеңіл дәрежеде бұзылған (креатинин клиренсі 50–80 мл/мин) науқастар үшін тәу-ліктік жиынтық дозаны 50 мг-ге дейін қысқартқан жөн. Декетонды бүйрек функциясының орташа және ауыр дәрежедегі жеткіліксіздігі бар (креатинин клиренсі <50 мл/мин) пациенттерге қолдануға бол-майды.
Балалар мен жасөспірімдер
Декетон препараты балалар мен жасөспірімдерде зерттелген жоқ.
Сондықтан оның қауіпсіздігі және тиімділігі анықталған жоқ және өнімді балалар мен жасөспірімдерге қолданбау керек.
Қолдану тәсілі
Декетонды бұлшықет ішіне немесе вена ішіне енгізеді.
- Бұлшықет ішіне егізу. Декетон препаратының бір ампуласының (2 мл) ішіндегіні бұлшықетке терең етіп баяу енгізеді.
- Вена ішіне енгізу:
- вена ішіне инфузия: төменде берілген, қолдану жөніндегі нұсқауларға сәйкес сұйылтып әзірленген ерітіндіні вена ішіне 10–30 мин бойы баяу енгізеді. Ерітіндіні күндізгі табиғи жарықтың әсеріне қалды-руға болмайды;
- вена ішіне инъекция (болюстік енгізу): қажет болғанда Декетон препаратының бір ампуласының (2 мл) ішіндегіні вена ішіне кем дегенде 15 секунд бойы енгізеді.
Препаратты қолдану жөніндегі нұсқаулар
Декетон препаратын бұлшықет ішіне немесе вена ішіне венаішілік инъекция (болюстік енгізу) түрінде қолданғанда ерітіндіні түрлі түсті ампуладан алған және бірден енгізген жөн.
Вена ішіне инфузияға арналған ерітіндіні, күндізгі табиғи жарықтың әсеріне жол бермей, асептикалық жағдайда енгізу керек.
Қолдану жөніндегі нұсқаулар
Вена ішіне инфузия түрінде қолдану үшін бір ампуланың (2 мл) ішіндегіні 30–100 мл физиологиялық ерітіндіде, глюкоза ерітіндісінде немесе Рингер- лактат ерітіндісінде сұйылтады. Инфузияны күндізгі табиғи жарықтың әсеріне жол бермей, асептикалық жағдайда әзірлейді. Дайындалған ерітінді мөлдір болуы тиіс.
100 мл физиологиялық ерітіндіде немесе глюкоза ерітіндісінде сұйылтылған, инъекцияға арналған ері-тіндіні дофаминмен, гепаринмен, гидроксизинмен, лидокаинмен, морфинмен, петидинмен және теофил-линмен араластыруға болады.
Препараттың сұйылтылған ерітіндісін полиэтилен пакеттерде немесе этилвинилацетаттан (ЭВА), целлю-лоза пропионатынан (ЦП), тығыздығы төмен полиэтиленнен (ТТПЭ) және поливинилхлоридтен (ПВХ) енгізуге арналған құрылғыларда сақтағанда әсер етуші заттар мөлшерінің адсорбция салдарынан өз-гергені байқалған жоқ.
Декетон бір реттік қолдануға арналған, сондықтан дайын ерітіндінің қалдықтарын төгіп тастайды. Енгізер алдында ерітіндінің мөлдір және түссіз екендігіне көз жеткізген жөн; құрамында қатты бөлшек-тері бар ерітіндіні пайдалануға болмайды.
Үйлесімсіздік
Декетонды, араластыру нәтижесінде ерітіндіде шөгінді түзілетін болғандықтан, дофамин, прометазин, пентазоцин, петидин және гидроксизин ерітінділерімен (мысалы, шприцте) аз мөлшерде араластыруға болмайды.
Қолдану жөніндегі нұсқауларға сәйкес дайындалған, инфузияға арналған ерітінділерді прометазинмен және пентазоцинмен араластыруға болмайды.
Препаратты «Қолдану жөніндегі нұсқаулар» бөлімінде көрсетілгеннен басқа, өзге дәрілік заттармен араластыруға болмайды.
