- криптококкоз (криптококкты менингит және басқаша орналасқан жұқпалар, мысалы өкпе, тері жұқпа-лары);
- жүйелі кандидоз, кандидемияны қоса, диссеминацияланған кандидоз және инвазивті кандидоз жұқ-пасының басқа түрлері, соның ішінде өкпе, бауыр, көкбауыр, құрсақ қуысы, эндокард, көз, несеп шы-ғару жолдарының және басқа мүшелердің жұқпалары;
- шырышты қабықтар кандидозы, ауыз-жұтқыншақ кандидозын, өңеш кандидозын, инвазивті бронх-өкпе жұқпаларын, кандидурияны, тері-шырыш кандидозын және ауыз қуысының созылмалы атрофиялық кандидозын (тіс протездерінен болатын қабынулар) қоса;
- жыныс мүшелерінің кандидозы (жедел немесе қайталанатын вульвовагинальді кандидоз, қынаптық кандидоз (жылына үш және одан көп жағдайлар) қайталануының алдын алу, Candida spp. туғызған баланит);
- дерматомикоздар: табан дерматофитиясы, тегіс тері микозы, шап дерматомикозы, кебек тәріздес теміреткі, дерматофитті онихомикоз және терінің кандидозды жұқпалары;
- иммунокомпетентті емделушілердегі жүйелі эндемиялық микоз (кокцидиомикоз, паракокцидиомикоз, споротрихоз, гистоплазмоз);
- ЖИТС-пен науқастарда ауыз және жұтқыншақ қуысы кандидозы қайталануының алдын алу
- қатерлі жаңа түзілімдері бар және цитоуытты химиялық ем немесе сәулемен емдеу нәтижесінде жұқпалану қаупі жоғары емделушілерде зеңді жұқпаның алдын алу.
Емдеуді бактериологиялық және басқа зертханалық зерттеулер нәтижелері алынғанша тағайындауға болады; дегенмен, осы нәтижелер белгілі болған бойда жұқпаға қарсы емдеу алынған нәтижелерге сай түзетілу керек.
Жалпы, флуконазолды жақсы көтеруге болады.
Клиникалық зерттеулерде байқалатын жағымсыз әсерлері:
Жиі
- бас ауыру
- терідегі бөртпелер
- жүрек айну және құсу, іштің ауыруы, диарея
- АСТ, АЛТ және сілтілі фосфатаза мәндерінің клиникалық елеулі жоғарылауы
Кейде
- шаршағыштық, мазасыздық, астения, гипертермия
- конвульсиялар, бас айналу, парестезия, тремор, вертиго
- қышыну, қатты терлеу
- анорексия, іш қату, диспепсия, метеоризм, ауыздың кеберсуі, дәм сезудің өзгеруі
- миалгия
- ұйқысыздық, ұйқышылдық
- холестаз, бауыр тіндерінің зақымдануы, сарғаю, жалпы билирубиннің клиникалық елеулі жоғарылауы
- анемия
Сирек
- терінің эксфолиативті аурулары (Стивенс-Джонсон синдромы)
- бауыр некрозы
- анафилаксия
Жағымсыз әсері АИВ жұқтырған емделушілерде (21%) қалғандарынан (13%) көбірек жиі көрініс береді.
Препаратты қолданумен себеп-салдарлы байланысы анықталмаған жағымсыз әсерлері (ашық клиника-лық зерттеулердің, постмаркетингте қолдану тәжірибесінің нәтижелері бойынша):
Сирек
- талмалар
- алопеция
- бауыр жеткіліксіздігі, гепатит, бауыр некрозы
- лейкопения, соның ішінде нейтропения және агранулоцитоз, тромбоцитопения
- гиперхолистеринемия, гипертриглицеридемия, гипокалиемия
Өте сирек
- құрысулар, бас айналу, парестезия, дәм сезу өзгерісі
- терінің эксфолиативті аурулары (Стивенс-Джонсон синдромы және уытты эпидермалық некролиз), көп түрлі экссудаттық эритема
- анафилаксия, Квинке ісінуі, беттің ісінуі және қышыну
Препарат көктамыр ішіне енгізуге арналған.
Препаратты пайдалану үшін пластик қақпағын шешіп, тығынын зарарсыздыратын ерітіндімен сүрту қажет.
Микомакс® ерітіндісі ересектерге 60 минуттан және балаларға 120 минуттан кем емес уақытта көкта-мыр ішіне енгізіледі. Енгізу жылдамдығы 10 мл/минуттан аспауы тиіс.
100мл Микомакс® ерітіндісінің құрамында 15,4 ммоль Na + иондары және 15,4 ммоль Cl - иондары бар.
Микомакс® келесі ерітінділермен үйлесімді: 20% глюкоза, Рингердің лактатты ерітіндісі, Хартман ері-тіндісі, глюкоза және калий хлориді ерітіндісі, 4,2% натрий бикарбонаты, Аминофузин, натрий хлориді-нің изотониялық ерітіндісі. Инфузияға арналған Микомакс® ерітіндісін басқа ерітінділермен немесе препараттармен бір құтыда араластыруға жол берілмейді.
Микомакс® ерітіндісін жоғарыда аталған ерітінділердің біреуімен сұйылту қажет.
Инфузияға арналған ерітінді - Микомакс® препаратының пайдаланылмаған қалдығы қолданымдағы нұсқаулықтарға сай жойылады; оны тоңазытқышта сақтауға, мұздатып қатыруға немесе кейіннен пайдалану үшін басқаша сақтауға тыйым салынады.
Флуконазолдың тәуліктік дозасы зең жұқпасының түрі мен ауырлық дәрежесіне қарай есептеледі. Ұзақ қолданылуын талап ететін жұқпа жағдайында емдеуді клиникалық көрінісі немесе зертханалық зерт-теулер нәтижелері зең жұқпасы белсенділігінің төмендеуін көрсеткенше жалғастырған жөн. Емдеу ұзақтығының тиісінше белгіленбеуі жұқпаның қайта жұғуына әкеледі.
ЖИТС-пен және криптококкты менингитпен, сондай-ақ қайталанатын ауыз-жұтқыншақ кандидозымен немесе өңеш кандидозымен науқастарда, әдетте, қайталануының алдын алу үшін демеуші ем талап етіледі.
Емделуші ахуалы жақсарған жағдайда, инфузияға арналған ерітінді - Микомакс® препаратымен парен-теральді емдеудің бастапқы курсын ішке қабылданатын дәрілік түрлердегі препаратты сол дозалауда қабылдауға (Микомакс® 50, Микомакс® 100, Микомакс® 150, Микомакс® шәрбаты) ауыстыруға бола-ды.
Бүйрек қызметі қалыпты ересектерде қолдану:
Емдеу
Кандидемия, диссеминацияланған кандидоз және басқа инвазивті кандидоз жұқпасы жағдайында, әдетте, алғашқы күні қосарлы дозасы (400-800 мг), ал кейінгі күндері күніне 200-400 мг тағайындала-ды.
Онкологиялық аурулары бар емделушілерге химиялық емдеудің қарқынды курсынан, сүйек кемігін ауыстырып салудан, АІЖ немесе жүрекке жасалған күрделі операциядан және басқа хирургиялық араласулардан кейін бастапқы жоғарылау дозалары (күніне 10 мг/кг) және демеуші дозалары (күніне шамамен 5 мг/кг) тағайындалады. Емдеу ұзақтығы клиникалық реакцияға байланысты, әдетте, 10-14 күн құрайды, бірақ ауыр жағдайларда ұзақтау болуы мүмкін.
Гранулоцитопениясыз иммунитеті қалыпты емделушілердегі ауыз-жұтқыншақ кандидозы жағдайында 7-14 күн бойы күніне 50-100 мг тағайындау ұсынылады.
Иммунитеті күрделі сипатта төмендеген емделушілерге, қажет болса, ұзақтау уақытқа жоғарырақ доза-сы (күніне 100-200 мг) ұсынылады. Ауыз қуысының атрофиялық кандидозында әдеттегі доза 14 күн бойы күніне бір рет 50 мг құрайды, бұл орайда ауыз қуысын жергілікті әсер ететін антисептикалық препараттармен бір мезгілде өңдеу керек.
Ауыз қуысы кандидозының басқа түрлерінде (өңеш кандидозы, инвазивті емес бронх-өкпе кандидозы, кандидурия, тері-шырыш кандидозы) ұсынылатын тәуліктік доза 14-30 күн бойы 100-200 мг құрайды.
Криптококкты менингит жағдайында бастапқы доза алғашқы күні 400-800 мг құрайды, демеуші доза күніне бір рет 200-400 мг құрайды; криптококкты жұқпа басқаша орналасқанда әдеттегі доза алғашқы күні 400 мг және кейінгі күндері күніне бір рет 200-400 мг құрайды. Емдеу ұзақтығы клиникалық және микологиялық көрінісіне байланысты, бірақ криптококкты менингит жағдайында, әдетте, 6-8 аптадан кем емес құрайды.
Жүйелі эндемиялық микоз жағдайында дозалануы күніне 200-400 мг құрайды, бұл орайда емдеуді екі жылға дейін жалғастыруға болады. Емдеу ұзақтығы әркімде бөлек және, орта есеппен, кокцидиомикоз-да – 11-24 ай, паракокцидиомикозда – 2-17 ай, споротрихозда – 1-16 ай, гистоплазмозда – 3-17 ай құрайды.
Алдын алу
- ЖИТС-пен науқастарға емдеудің алғашқы сатысы аяқталғаннан кейін қайталамалы ауыз-жұтқыншақ жұқпасын болдырмау үшін ұзаққа созылатын кезең бойына аптасына бір рет 150 мг тағайындау ұсыны-лады.
- ЖИТС-пен науқастарда криптококкты менингиттің қайталануын болдырмау үшін бастапқы емдеудің толық курсынан өткеннен кейін флуконазолды шектеусіз уақыт кезеңі бойына күніне 200-400 мг тағайындауға болады.
Кандидоздың алдын алу үшін ұсынылатын дозасы зеңді жұқпаның дамуына әркімнің жеке бейімділігіне байланысты – күніне 50-ден 400 мг-ге дейін.
Жүйелі аурулар қаупі жоғары, мысалы нейтропенияның ауыр немесе созылмалы түрлеріне бейім нау-қастарға күніне 400 мг препарат қабылдау ұсынылады. Флуконазол қабылдауды нейтропенияның жо-рамалданатын дебютінен бірнеше күн бұрын бастап, нейтрофильдер саны 1,0 x 10 9 /л дейін (= 1000 жасуша мм 3 ) өскеннен кейін 7 күн бойы жалғастырған жөн.
Бүйрек қызметі төмендеген емделушілер:
Флуконазол өзгермеген күйде көбіне несеппен шығарылады. Бір реттік дозасымен емдегенде дозалану-ын реттеу қажет емес. Көп реттік дозаларын қабылдайтын бүйрек жеткіліксіздігі бар емделушілер үшін бастапқы қанықтыру дозасы 50-400 мг құрайды, ал одан кейінгі күнделікті дозасы (көрсетілімдерге сай) креатинин клиренсі минутына 50 мл (0,8 мл/сек) төмен емделушілер үшін екі есе қысқарады. Диализдің ұзақ курсы қажет емделушілер әрбір диализден кейін қайталама дозаны қабылдауы тиіс. Тұрақты артериялық-көктамырлық (көктамыр-көктамырлық) гемодиализ (ТАКД,ТККД) жағдайында стандартты дозалау қолданылады, ал тұрақты амбулаторлық перитонеальді диализде (ТАПД) 150 мг флуконазол диализге арналған ерітіндінің екі литрінде ерітіледі:
Ауырлығы әртүрлі дәрежедегі бүйрек жеткіліксіздігінде дозаны реттеу:
- 50 мл/минуттан ( 0,8 мл/сек) жоғары креатинин клиренсінде дозаны азайту қажет емес
- 10-50 мл/мин ( 0,8 мл/сек) креатинин клиренсінде тәуліктік дозаны екі есе азайту ұсынылады.
Жедел бауыр жеткіліксіздігі бар емделушілер:
Жедел бауыр жеткіліксіздігі бар емделушілерді емдегенде бауыр қызметін ұқыпты қадағалап, бауыр көрсеткіштері әріқарай жоғарылаған жағдайда препарат дозасын азайту немесе қабылдауды тоқтату керек.
60 жастан асқан емделушілер:
Егде жастағы емделушілерге препаратты әдеттегіше дозалау ұсынылады. Алайда бүйрек жеткіліксіздігі жағдайында дозалануын реттеген жөн (жоғарыда келтірілген сызбаға сай).
Балалар:
Емдеу ұзақтығы, ересек емделушілердегі сияқты, клиникалық және микологиялық реакциясына байла-нысты.
Флуконазол балаларға күн сайын күніне бір рет тағайындалады.
Төрт аптадан асқан сәбилер:
Шырышты қабықтар кандидозында ұсынылатын флуконазол дозасы күніне 3 мг/кг құрайды. Қан плаз-масындағы флуконазол концентрациясының тұрақты күйіне жылдам жету үшін емдеудің алғашқы күні 6 мг/кг қосарлы қанықтыру дозасын (екінші күні-ақ) тағайындауға болады.
Жүйелі кандидозды және криптококкты жұқпаны емдеу үшін, аурудың ауырлық дәрежесіне қарай, күніне 6-12 мг/кг қабылдау қажет болады.
Химиялық ем немесе сәулемен емделу нәтижесіндегі нейтропения себебімен қауіп тобына кіретін имму-нитеті төмендеген емделушілерде зеңді жұқпаны болдырмау үшін қажет доза, туындаған нейтропения-ның ауырлық дәрежесіне және ұзақтығына қарай, күніне 3-12 мг/кг құрайды (ересектерге арналған дозасын қараңыз).
Бүйрек жеткіліксіздігі бар балалар жағдайында дозаны, бүйрек жеткіліксіздігінің дәрежесіне қарай, ересек емделушілерге арналған дозалануына сәйкес азайту керек.
Ең жоғары тәуліктік дозасы 400 мг құрайды.
Төрт апталық жасқа дейінгі жаңа туған нәрестелер:
Жаңа туған нәрестелерде флуконазол баяу шығарылады.
Тіршілігінің алғашқы екі аптасында, қалған балаларға арналғандай, бірақ 72 сағат аралықпен дозала-нуы пайдаланылады. Үшінші және төртінші аптада сол дозасы 48 сағат аралықпен тағайындалады.
Жаңа туған нәрестелерге арналған ең жоғары тәуліктік дозасынан тіршілігінің алғашқы екі аптасында (әр 72 сағат сайын 12 мг/кг) және одан кейінгі екі аптада (әр 48 сағат сайын 12 мг/кг) асыру ұсынылмайды.
