Аяқтарына ауқымды ортопедиялық операция жасалған (тізе немесе жамбас-сан буынына тотальді протез жасалған) 6097 емделушіде қабылдау ұзақтығы 39 күнге дейін созылған 10 мг доза Ксарелто-ның ® қауіпсіздігіне баға берілді.
4 556 емделушіде 3 апта бойы күніне екі реттік 15 мг дозада, кейін 21 айға дейінгі кезеңде күніне бір реттік 20 мг дозада қабылданған Ксарелтоның ® қауіпсіздігіне баға берілді.
Ксарелтоның ® қауіпсіздігі инсульттің және жүйелі тромбоэмболияның алдын алуында клапандық тектес емес жүрекше фибрилляциясы бар, Ксарелтоның ® кемінде бір дозасын қабылдаған 7750 емделушіде, сондай-ақ жедел коронарлық синдромы (ЖКС) бар, ацетилсалицил қышқылын немесе ацетилсалицил қышқылын клопидрогелмен бірге немесе тиклопидинмен біріктіріп қабылдауға қосымша Ксарелтоның ® кемінде бір немесе 2.5 мг дозасын (күніне екі рет ) немесе 5 мг Ксарелтоны ® (күніне екі рет ) алған 10225 емделушіде бағаланды.
Ксарелтоны ® қолданған кезде тіркелген жағымсыз реакциялардың жиілігі жөнінде жинақталған деректер төменде берілген:
Жиі (>1/100-ден <1/10 дейін)
- анемия (тиісті зертханалық параметрлерді қоса есептегенде)
- көзге қан құйылу (конъюнктиваға қан құйылуды қоса есептегенде)
- қызыл иектің қанағыштығы, асқазан-ішек жолы аймағының ауыруы, диспепсия, жүректің айнуы, іш қату*, диарея, құсу*, асқазан-ішектік қан кету (тік ішектен қан кетуді қоса есептегенде)
- қызба*, шеткергі ісінулер, жалпы көңіл-күйінің нашарлауы (әлсіздікті және астенияны қоса есепте-генде)
- жүргізілген емшарадан кейін қан кету (соның ішінде операциядан кейінгі анемияны және жаралардан қан кетуді қоса есептегенде), қанталау
- трансаминаза деңгейінің жоғарылауы
- аяқ-қолдардың ауыруы*
- бас айналу, бас ауыру
- урогенитальді жолдан қан кету (соның ішінде гематурия және меноррагия**), бүйрек қызметінің жеткіліксіздігі (соның ішінде креатинин деңгейінің жоғарылауы, мочевина деңгейінің жоғарылауы)*
- мұрыннан қан кету, қан түкіру
- қышу (денеге жайылған қышудың жиі емес жағдайларын қоса есептегенде), бөртпе, экхимоз, тері және теріастылық қан құйылулар
- гипотензия, гематома
Жиі емес (>1/1000-нан <1/100 дейін)
- тромбоцитемия (соның ішінде тромбоциттер мөлшерінің артуы) *
- тахикардия
- ауыз ішінің құрғауы
- көңіл-күйдің нашарлауы, соның ішінде дімкәстік
- бауыр қызметінің бұзылуы
- аллергиялық реакциялар, аллергиялық дерматит
- жарадан бөлінетін бөлінділер*
- билирубин концентрациясының жоғарылауы, сілтілік фосфатаза*, лактатдегидрогеназа (ЛДГ)*, липаза*, амилаза* белсенділігінің жоғарылауы, гаммаглютамилтрансферраза (ГГТ*) деңгейінің жоғарылауы
- гемартроз
- миішілік және бас сүйекішілік қан құйылулар, естен тану
- есекжем
- ангионевротикалық ісіну, аллергиялық ісіну (постмаркетингтік қолдану тәжірибесінде Ксарелто ® қолданумен уақыттық байланыста байқалды)).
Сирек (>1/10000-нан <1/1000 дейін)
- ошақталған ісінулер*
- сарғаю
- тамырлық псевдоаневризма (жедел жүрек тамыр синдромын алдын алу емін жүргізгенде байқалды)
- конъюгацияланған билирубин концентрациясының жоғарылауы (аланинтрасферазаның артуы қатар-ласа жүргенде немесе онсыз)
- бұлшықеттерге қан құйылу
*аяқтарға жасалған ауқымды ортопедиялық операциялардан кейін тіркелді
** < 55 жастағы әйелдерде «өте жиі» жиілікте болатын КВА-ны емдеген кезде тіркелді
Әсер ету механизмін ескерер болсақ, Ксарелтоны ® қолдану кез келген ағзалардан және тіндерден, постгеморрагиялық анемияға әкеп соқтыратын жасырын немесе анық қан кету қаупінің артуымен қатарласуы мүмкін. Бақыланбайтын ауыр артериялық гипертензиясы бар емделушілерде және/немесе гемостазаға ықпалын тигізетін дәрілік препараттармен бірге қолданған кезде қан кетудің пайда болу қаупі артуы мүмкін («Айрықша нұсқаулар» бөлімін қараңыз). Белгілері, симптомдары және ауырлық дәрежесі (өліммен аяқталуы мүмкін екендігін қоса есептегенде) қан кетудің орнығуына,қарқындылығы-на немесе ұзақтығына және/немесе анемияға байланысты өзгеріп отырады («Артық дозаланғанда» тарауын қараңыз).
Геморрагиялық асқынулар әлсіздікпен, бозарумен, бас айналумен, бас ауыруымен, ентігумен, сондай-ақ аяқ-қолдар көлемінің артуымен немесе басқа себептермен түсіндіру мүмкін емес шокпен көрініс беруі мүмкін. Кейбір жағдайларда анемияның салдары ретінде кеуденің ауыруы немесе стенокардия сияқты миокард ишемиясының симптомдары пайда болды.
Ксарелтоны ® қолданған кезде компартмент-синдром ретінде ауыр қан кетулерге қатысты салдарлық белгілі асқынулар және гипоперфузия салдарынан бүйрек қызметінің жеткіліксіздігі де тіркелді. Осылайша, антикоагулянттар қабылдап жүрген емделушілердің жағдайына баға бергенде қан кетулер-дің мүмкін екендігін де қарастырған жөн.
Ішке қабылдауға арналған.
15 мг және 20 мг Ксарелтоны ® тамақтану кезінде қабылдаған жөн.
Егер емделуші таблетканы тұтастай жұтуға қабілетсіз болса, таблетканы ұсатып, тікелей қолданар алдында оны сумен немесе жұмсақ консистенциялы тамақпен, мысалы, алма езбесімен араластырып қолдануға болады, одан кейін емделуші дереу тамақтануы тиіс.
Ксарелто® ұсатылған таблеткасын судың аздаған мөлшерімен сұйылтып, асқазан зондының көмегімен беруге болады, бұл ретте таблетканы қабылдар алдында зондтың асқазанда екендігіне көз жеткізіп алу қажет. Ұсатылған таблетканы зонд арқылы енгізгеннен кейін ең алдымен зондты сумен шаю керек, содан соң энтеральді қоректі енгізу керек.
Жүрекшелердің шығу тегі клапандық емес фибрилляциямен емделушілерде инсульттің және жүйелік тромбоэмболияның алдын алу Ұсынылатын дозасы күн сайын, тәулігіне бір рет 20 мг (1 таблетка) құрайды.
Бүйрек қызметінің орташа жеткіліксіздігі бар (креатинин клиренсі минутына <50-30 мл) емделушілер үшін ұсынылатын препарат дозасы күн сайын, тәулігіне бір рет 15 мг құрайды.
Инсульт және жүйелік тромбоэмболиялар қаупінің факторлары әлі де сақталған жағдайда, емдеуді жалғастырған жөн.
Дозаны қабылдауды өткізіп алғандағы іс-әрекеттер
Егер кезекті дозаны қабылдауды өткізіп алса, емделуші Ксарелтоны ® дереу қабылдауы тиіс және келесі күні препаратты режимге сай жүйелі қабылдауды жалғастыруы керек.
Бұрын өткізіп алған дозаның орнын толтыру үшін дозаны екі есе қабылдауға болмайды.
Ең жоғары тәуліктік доза
Препараттың ұсынылған ең жоғары тәуліктік дозасы тәулігіне 20 мг құрайды.
Тереңдегі көктамырлар тромбозын (ТКТ) және өкпе артериялары тромбоэмболиясын (ӨАТЭ) емдеу, және де ТКТ және ӨАТЭ қайталануының алдын алу
Препараттың ұсынылған бастапқы дозасы алғашқы 3 апта бойы жедел ТКТ-ны және ӨАТЭ-ны емдеу үшін күніне екі рет 15 мг құрайды, кейін ТКТ-нің және ӨАТЭ-ның ұзақ уақыт емдеу үшін және қайтала-нуын алдын алу үшін 20 мг Ксарелтоны ® күніне бір рет қабылдауға ұласады.
Көктамырлық тромбоэмболиялар қаупінің факторлары әлі де сақталған жағдайда, емдеуді жалғас-тырған жөн.
Дозаны қабылдауды өткізіп алғандағы іс-әрекеттер
Препаратты қабылдаудың жүйелі режимін сақтау керек.
Егер күніне екі рет 15 мг доза қабылдаған жағдайда кезекті дозаны қабылдауды өткізіп алса, емделуші тәуліктік 30 мг дозаның түсуін қамтамасыз ету үшін Ксарелтоны ® дереу қабылдауы тиіс. Ол үшін 15 мг доза Ксарелтоның ® 2 таблеткасын бір мезгілде қабылдауға болады. Келесі күні күніне 2 реттік 15 мг доза препаратты ұсынылған режимге сәйкес жүйелі қабылдауды жалғастырған жөн.
Егер 20 мг доза қабылдаған жағдайда кезекті дозаны қабылдауды өткізіп алса, емделуші тәуліктік 20 мг дозаның түсуін қамтамасыз ету үшін Ксарелтоны ® дереу қабылдауы тиіс. Келесі күні күніне бір реттік 20 мг доза препаратты ұсынылған режимге сәйкес жүйелі қабылдауды жалғастырған жөн.
Ең жоғары тәуліктік доза
Препараттың ұсынылған ең жоғары тәуліктік дозасы алғашқы 3 апта ішінде тәулігіне 30 мг құрайды.
Емдеудің кейінгі сатыларында препараттың ұсынылатын ең жоғары дозасы 20 мг құрайды.
Емделушілердің жекелеген популяциялары бойынша қосымша ақпарат
Бауыр қызметі бұзылған емделушілер
Ксарелтоны ® қан кетудің клиникалық тұрғыдан маңызды қаупіне себепші болатын коагулопатиямен қатарласа жүретін бауыр аурулары бар емделушілерге қолдануға болмайды («Қолдануға болмайтын жағдайлар» тарауын қараңыз).
Бауырдың басқа да аурулары бар науқастарда дозаны өзгерту қажет емес («Фармакологиялық қасиет-тері/Фармакокинетикасы» тарауын қараңыз).
Бауыр қызметінің орташа ауыр жеткіліксіздігі бар (Чайлд-Пью бойынша В класы) емделушілер үшін алынған шектеулі клиникалық деректер препараттың фармакологиялық белсенділігінің елеулі күшей-генін көрсетеді. Бауыр қызметінің ауыр жеткіліксіздігі бар емделушілер үшін (Чайлд-Пью бойынша С класы) клиникалық деректер жоқ («Қолдануға болмайтын жағдайлар» тарауын қараңыз).
Бүйрек қызметі бұзылған емделушілер
Жүрекшелердің шығу тегі клапандық емес фибрилляциясымен емделушілерде инсульттің және жүйелік тромбоэмболияның алдын алуға
Бүйрек қызметінің жеңіл жеткіліксіздігі бар (креатинин клиренсі минутына <80-50мл) науқастарға Ксарелтоны ® тағайындаған кезде дозаны түзету қажет емес. Бүйрек қызметінің орташа жеткіліксіздігі бар (креатинин клиренсі минутына <50-30мл) емделушілер үшін ұсынылған доза күніне бір реттік 15мг құрайды.
Бүйрек қызметінің ауыр жеткіліксіздігі бар (креатинин клиренсі минутына <30-15 мл) емделушілер үшін алынған шектеулі клиникалық деректер осы науқастарда ривароксабан концентрациясының едәуір жо-ғарылайтынын көрсетеді. Емделушілердің осы категорияларын емдеу үшін 15мг Ксарелтоны ® абайлап қолданған жөн.
Креатинин клиренсі минутына <15 мл емделушілерде Ксарелтоны ® қолдануға болмайды («Қолдануға болмайтын жағдайлар», «Фармакологиялық қасиеттері/Фармакокинетикасы» тарауларын қараңыз).
Емделушілерде ТКТ-ны және ӨАТЭ-ны емдеу, және де ТКТ-нің және ӨАТЭ-ның қайталануын алдын алу үшін
Бүйрек қызметінің жеңіл жеткіліксіздігі бар (креатинин клиренсі минутына ≤ 80-50 мл) немесе бүйрек қызметінің орташа жеткіліксіздігі бар (креатинин клиренсі минутына <50-30 мл) науқастарға Ксарел-тоны ® тағайындаған кезде дозаны түзету қажет емес.
Бүйрек қызметінің ауыр жеткіліксіздігі бар (креатинин клиренсі минутына <30-15 мл) емделушілер үшін алынған шектеулі клиникалық деректер осы науқастарда ривароксабан концентрацияларының едәуір жоғарылайтының көрсетеді.
Емделушілердің осы категорияларын емдеу үшін Ксарелтоны ® абайлап қолданған жөн.
Креатинин клиренсі минутына <15 мл болатын емделушілерге Ксарелтоны ® қолдануға болмайды («Қолдануға болмайтын жағдайлар», «Фармакологиялық қасиеттері/Фармакокинетикасы» тарауларын қараңыз).
Жүрекшелердің шығу тегі клапандық емес фибрилляциясымен емделушілерде инсульттің және жүйелік тромбоэмболиялардың алдын алу кезінде K витаминінің антагонистерін (КВА) Ксарелтоға® ауыстыру ХҚҚ ≤ 3,0 болған кезде КВА-мен емдеуді тоқтатқан және Ксарелтомен ® емдеуді бастаған жөн.
Емделушілерді КВА-дан Ксарелтоға ® ауыстырған кезде, Ксарелтоны ® қабылдағаннан кейін ХҚҚ мә-нін қателесіп көтеріп жібереді. ХҚҚ Ксарелтоның ® антикоагулянттық белсенділігін анықтауға жара-майды, сондықтан бұл мақсатта пайдаланылмауы тиіс ("Дәрілермен өзара әрекеттесуін" қараңыз).
Емделушілерде ТКТ-нын және ӨАТЭ-ны емдеу, сондай-ақ ТКТ-нің және ӨАТЭ-ның қайталануы алдын алу мақсатында K витаминінің антагонистерін (КВА)
Ксарелтоға® ауыстыру
ХҚҚ ≤ 2,5 болған кезде КВА-мен емдеуді тоқтатқан және Ксарелтомен ® емдеуді бастаған жөн.
Емделушілерді КВА-дан Ксарелтоға ® ауыстырған кезде, Ксарелтоны ® қабылдағаннан кейін ХҚҚ мәнін қателесіп көтеріп жібереді. ХҚҚ Ксарелтоның ® антикоагулянттық белсенділігін анықтауға жарамайды, сондықтан бұл мақсатта пайдаланылмауы тиіс ("Дәрілермен өзара әрекеттесуін" қараңыз).
Ксарелтодан ® К витаминінің антагонистеріне (КВА) ауыстыру
Ксарелтодан ® КВА-ға ауыстырған кезде антикоагулянттық әсердің жеткіліксіздігі пайда болуы мүмкін. Осыған байланысты, сол тәрізді көшу кезінде альтернативтік антикоагулянттардың жәрдемімен антико-агулянттық әсерді жеткілікті түрде үздіксіз қамтамасыз ету қажет. Ксарелто ® ХҚҚ-ның жоғарылауына мүмкіндік жасайтынын атап өткен жөн.
Ксарелтодан ® КВА-ға ауыстырған кезде, ХҚҚ көрсеткіші ≥2,0 мәніне жеткенше, КВА- ны бір мезгілде қабылдау керек. Ауыстыру кезеңінің алғашқы екі күні ішінде КВА-ның стандартты дозасын қолданып, кейін ХҚҚ көрсеткіштерін анықтау нәтижелеріне қарай, КВА дозасын тағайындаған жөн. Ксарелто ® мен КВА-ны қабылдау кезінде ХҚҚ көрсеткішін мұның алдындағы дозаны қабылдағаннан кейін кем дегенде 24 сағаттан соң, бірақ Ксарелтоның ® келесі дозасын қабылдауды бастағанға дейін анықтаған жөн.
Ксарелтоны ® қолдануды тоқтатқаннан кейін ХҚҚ-ны нақты анықтауды препараттың соңғы дозасын қабылдағаннан кейін 24 сағаттан соң жүргізуге болады.
Ішу арқылы қолданылатын антикоагулянттардан Ксарелтоға ® ауыстыру Парентеральді антикоагу-лянттарды қабылдап жүрген емделушілер үшін, Ксарелтоны ® қолдануды препаратты (мысалы, төмен молекулалы гепаринді) келесі жоспарлы парентеральді енгізуден 0 - 2 сағат бұрын немесе препаратты парентеральді түрде үздіксіз енгізуді (мысалы, фракцияланбаған гепаринді көктамыр ішіне енгізуді) тоқтатқан сәтте бастаған жөн.
Ксарелтодан ® парентеральді антикоагулянттарға ауыстыру
Ксарелтоның ® келесі дозасын қабылдау және парентеральді антикоагулянттың алғашқы дозасын енгізу керек болған кезде, Ксарелтоны ® тоқтатқан жөн.
Балалар
Балаларға және 18 жасқа толмаған жасөспірімдерде қауіпсіздігі мен тиімділігі анықталған жоқ.
Егде емделушілер, жынысына, дене салмағына немесе этникалық ерекшеліктеріне қарай
Науқастардың осы категориясында дозаны түзету қажет емес.
