Феварин 100мг №15таб Абботт

- тизанидинмен және моноаминоксидаза (МАО) тежегіштерімен бір мезгілде қабылдау. Флувоксаминмен емдеуді қайтымсыз МАО тежегішін қабылдауды тоқтатқаннан кейін кемінде 2 апта өткен соң барып немесе қайтымды МАО тежегіштерін (моклобемид, линезолид) қабылдауды тоқтатқаннан кейін келесі күні бастауға болады.

Феварин ® препаратын қабылдауды кез келген МАО тежегішімен емдеу басталуынан кемінде 1 апта бұрын тоқтату керек.

- пимозидпен және рамелтеонмен бір мезгілде қабылдау

- белсенді затқа немесе қосымша заттардың кез келгеніне жоғары сезімталдық

Төменде көрсетілген жиілікпен жағымсыз әсерлер көбіне аурумен байланысты және ол еммен міндетті түрде байланысты болмайды. Жиілігін бағалау: өте жиі (>1/10), жиі (>1/100 - <1/10 дейін), жиі емес (>1/1,000 -<1/100 дейін), сирек (>1/10,000 - <1/1,000 дейін), өте сирек (<1/10,000), белгісіз (қолда бар деректер негізінде бағалануы мүмкін емес).

Жиі

- күйгелектік, үрейлену, қозу, ұйқысыздық немесе ұйқышылдық, тремор, бас айналу, бас ауыру

- жүрек қағу, тахикардия

- ауыздың кеберсуі, жүрек айну, құсу, іштің ауыруы, іш қату, диарея, диспепсия

- анорексия, астения, дімкәстану

- тершеңдік

Жиі емес

- елестеулер, сананың шатасуы, озбырлық

- атаксия, экстрапирамидалық бұзылулар

- гипотензия (ортостаздық)

- артралгия, миалгия

- эякуляцияның баяулауы

- терінің аса жоғары сезімталдық реакциялары, соның ішінде бөртпе, қышыну, ангионевроздық ісіну

Сирек

- мания

- құрысулар

- бауыр функциясының бұзылуы

- галакторея

- фотосенсибилизация реакциялары

Жиілігі белгісіз

- дене салмағының артуы және азаюы, гипонатриемия

- қан кетулер, соның ішінде асқазан-ішектік, гинекологиялық, экхимоз, пурпура

- антидиурездік гормон сөлінісінің бұзылуы, гиперпролактинемия

- серотонинді синдром, қатерлі нейролептикалық синдромға ұқсас жай-күйлер, акатизия/психомоторлық мазасыздық, парестезия, дәм сезінудің бұзылуы

- суицидтік идеация, суицидтік мінез-құлық

- глаукома, мидриаз

- сүйектердің сынуы*

- несеп шығару бұзылыстары, соның ішінде несеп іркілісі, поллакиурия, никтурия, несепті ұстай алмау, энурез

- аноргазмия, етеккір функциясының бұзылыстары (аменорея, гипоменорея, метроррагия, меноррагия)

- препаратты тоқтату синдромы, неонатальді препаратты тоқтату синдромын қоса Флувоксаминмен емдеуді тоқтатқан кездегі тоқтату белгілері

Флувоксамин қабылдауды тоқтату (әсіресе, кенеттен) тоқтату симптомдарын жиі туындатады. Препаратты тоқтату қажет болған кезде Феварин ® препаратының дозасын біртіндеп азайту ұсынылады.

Феварин ® препаратының таблеткаларын шайнамастан сумен ішіп жұту керек.

Депрессиялар

Ұсынылатын старттық доза кешкілік бір реттік 50 немесе 100 мг құрайды. Дозаны тиімді дозаға жеткенше біртіндеп арттыру ұсынылады. Әдетте тиімді тәуліктік доза 100 мг құрайды, бірақ пациенттің емге деген жеке реакциясына қарай түзетілуі мүмкін. Тәуліктік дозаны 300 мг-ге дейін жеткізуге болады. 150 мг-ден артық тәуліктік дозаларды бірнеше қабылдауға бөлу керек.

ДДҰ нұсқауларына сай, антидепрессанттармен емделуді депрессиялық көріністен шыққаннан кейін, кем дегенде, 6 ай бойы жалғастырады.

Депрессия қайталануының алдын алу үшін Феварин ® препаратын күн сайын, күніне бір рет 100 мг дозада қабылдау ұсынылады.

Обсессивтік-компульсивтік бұзылыстар(ОКБ)

Ересектер

Ұсынылатын бастапқы доза 3-4 күн бойы күніне 50 мг құрайды. Тиімді тәуліктік дозасы, әдетте, 100-ден 300 мг дейін құрайды. Дозаны 300 мг-ден аспауы тиіс тиімді тәуліктік дозасына жеткенше біртіндеп арттыру керек.

Дозаны дұрысы кешкілік тәулігіне бір рет 150 мг-ге дейін қабылдауға болады. 150 мг-ден артық тәуліктік дозаларды 2 немесе 3 қабылдауға бөлу ұсынылады.

Емге жақсы жауап берілгенде емдеуді жеке таңдалған дозада жалғастыруға болады. Егер емдеудің 10 аптасы өткенде жақсаруға қол жеткізілмесе, флувоксаминмен емдеу мәселесін қайта қарау керек. Қазіргі уақытта флувоксаминмен емдеу ұзақтығына жүйелі зерттеулер жүргізілмесе де, ОКБ созылмалы ауру екенін назарға алып, емдік жауабы жақсы

пациенттерде емдеуді 10 аптадан көбірек жалғастыру мақсатқа сай.

Дозаны препараттың ең аз дозасында да емдеу тиімділігі сақталатындай таңдалады. Емдеуді жалғастыру мәселесін шешу үшін науқас ахуалын мезгіл-мезгіл бағалап отыру қажет. Дәрі-дәрмекпен емдеу тиімділігі оң болған науқастарда мінез-құлықтық психотерапияны қатар жүргізген жөн.

8 жастан асқан балалар және жасөспірімдер

8 жастан асқан балалар және жасөспірімдерге арналған бастапқы доза тәулігіне 25 мг құрайды, дұрысы ұйқы алдында. Дозаны әрбір 4-7 күнде тиімді тәуліктік дозаға жеткенше 25 мг-нан жоғарылату керек. Әдетте тиімді дозасы тәулігіне 50-ден 200 мг дейінді құрайды, балалардағы ең жоғары дозасы тәулігіне 200 мг аспауы тиіс. 50 мг асатын тәуліктік дозаны 2 рет қабылдауға бөлу керек, бұл арада қабылданатын 2 доза бірдей болмаса, үлкен дозаны ұйықтар алдында қабылдау керек.

Флувоксамин қабылдауды тоқтатқан кездегі тоқтату белгілері

Феварин ® препаратымен емдеуді күрт тоқтатудан аулақ болу керек.

Тоқтату қажет болғанда Феварин ® препаратының дозасы препаратты тоқтату реакциясының қаупін төмендету үшін 1-2 апта бойы біртіндеп азайтылуы тиіс. Егер дозаны азайту кезінде немесе емдеу тоқтатылғаннан кейін қолайсыз белгілер пайда болса, бұрынғы емдік дозасына оралу керек.

Кейіннен, емдеуші дәрігер препарат дозасын азайтуды жалғастыра алады, бірақ мейлінше баяу сипатта.

Бауыр немесе бүйрек жеткіліксіздігі. Бауыр немесе бүйрек жеткіліксіздігі бар пациенттерді емдеу қатаң дәрігерлік бақылаумен ең аз дозалардан басталу керек.