Ксарелто 20мг № 28табл Байер

- ривароксабанға немесе препараттың қосымша заттарына аса жоғары сезімталдық

- клиникалық мәнді белсенді қан кету

- ауқымды қан кетудің маңызды қауіп факторы болып саналатын бұзылу немесе жай-күй, бұрыннан бар немесе таяуда орын алған асқазан-ішек жолының ойық жарасы, қан кету қаупі жоғары қатерлі жаңа түзілімдердің болуы, таяуда алған бас немесе жұлын миы жарақаты, таяуда бас немесе жұлын миына немесе көзге жасалған хирургиялық араласу, таяуда болған бассүйек ішіне қан құйылу, диагностикалан-ған немесе күдік тудыратын өңеш веналарының варикозды кеңеюі, артериовенозды даму аномалиялары, тамырлық аневризмалар немесе жұлын немесе бас миының ірі тамырларының анома-лиялары сияқты

- фракцияланбаған гепарин (ФГ), төмен молекулалы гепариндер (эноксапарин, дальтепарин және т.б.), гепарин туындылары (фондапаринукс және т.б.), ішуге арналған антикоагулянттар (варфарин, дабига-тран этексилаты, апиксабан және т.б.) сияқты кез келген басқа антикоагулянттармен қатарлас емдеу, басқа антикоагулянтқа ауысатын ерекше жағдайларды қоспағанда («Қолдану тәсілі» бөлімін қараңыз) немесе ФГ орталық веналық немесе артериялық катетер өткізгіштігін сақтап тұруға қажетті дозаларда енгізілгенде («Дәрілермен өзара әрекеттесуі» бөлімін қараңыз).

- Чайлд-Пью бойынша В және С класты бауыр циррозы бар пациенттерді қоса, коагулопатиямен және клиникалық мәнді қан кетудің даму қаупімен қатар жүретін бауыр аурулары

- жүктілік және бала емізу кезеңі

- балалар мен 18 жасқа дейінгі жасөспірімдер кезеңі (осы жас тобында қауіпсіздігі мен тиімділігі анықтал-маған)

Ксарелто ® қауіпсіздігін бағалау ривароксабан әсеріне ұшыраған (ең болмаса бір дозаны қабылдаған) 32625 пациенттегі III фазаның 11 зерттеуінде жүргізілді:

- тізе немесе ұршық буындарына жоспарлы эндопротездеу жасалған 6097 ересек пациент веналық тромбоэмболия (ВТЭ) профилактикасы үшін көп дегенде 39 күн қабылдау ұзақтығымен Ксарелтоны ® тәулігіне бір рет 10 мг дозада қабылдаған;

- 3997 соматикалық пациент ВТЭ профилактикасы үшін көп дегенде 39 күн қабылдау ұзақтығымен Ксарелтоны ® тәулігіне бір рет 10 мг дозада қабылдаған;

- 4556 пациент ТВТ және ӨАТЭ емі үшін 3 апта бойы тәулігіне екі рет 15 мг Ксарелто ® қабылдап, кейіннен ТВТ және ӨАТЭ қайталану профилактикасы үшін көп дегенде 21 ай қабылдау ұзақтығымен тәулігіне бір рет 20 мг қабылдаған;

- клапанды емес жүрекшелер фибрилляциясы бар 7750 пациент инсульт пен жүйелі эмболия профи-лактикасы үшін көп дегенде 41 ай қабылдау ұзақтығымен Ксарелтоны ® тәулігіне бір рет 20 мг дозада қабылдаған;

- жедел коронарлық синдромды (ЖКС) өткерген 10225 пациент атеротромбоз оқиғаларының профилак-тикасы үшін көп дегенде 31 ай қабылдау ұзақтығымен ацетилсалицил қышқылын қабылдауға немесе ацетилсалицил қышқылының клопидогрелмен немесе тиклопидинмен біріктіріліміне қосымша Ксарелто-ны ® тәулігіне екі рет 2,5 мг немесе 5 мг дозаларда қабылдаған.

Ксарелто ® қабылдайтын пациенттерде ең көп жиі жағымсыз құбылыстар қан кетулер болды (төменнен «Айрықша нұсқаулар» және «Жекелеген жағымсыз реакциялар сипаттамасы» бөлімін қараңыз). Ең жиі (≥4%) қан кету мұрыннан (5,9%) және асқазан-ішектен қан кету (4,2%) болды.

Жалпы, жағымсыз құбылыстар туралы ривароксабанның кем дегенде бір дозасын қабылдаған пациент-тердің 67% шамасында хабарланды.

Пациенттердің 22% шамасында зерттеушілердің бағалауы бойынша емдеумен байланысты деп санал-ған жағымсыз құбылыстар болды.

Ұршық немесе тізе буындарын эндопротездеуден кейін 10 мг Ксарелто қабылдаған пациенттер арасын-да, сондай-ақ ауруханаға жатқызылған соматикалық пациенттер арасында қан кетулер, тиісінше, 6,8% және 12,6% шамасында туындады, ал анемия, тиісінше, 5,9% және 2,1% шамасында орын алды.

ТВТ және ӨАТЭ емі үшін тәулігіне екі рет 15 мг Ксарелто, артынан тәулігіне бір рет 20 мг немесе ТВТ және ӨАТЭ қайталану профилактикасында тәулігіне бір рет 20 мг қабылдаған пациенттер арасында қан кету пациенттердің 27,8% шамасында туындады, ал анемия пациенттердің 2,2% шамасында орын алды.

Инсульт пен жүйелі эмболия профилактикасы жүргізілген пациенттер арасында барлық типтегі және ауырлықтағы қан кету жиілігі жылына 100 пациентте 28, анемияда жылына 100 пациентте 2,5 құрады.

Жедел коронарлық синдромнан (ЖКС) кейінгі жүрек-қантамырдан болатын өлім мен миокард инфарк-тісінің профилактикасы жүргізілген пациенттер арасында барлық типтегі және ауырлықтағы қан кету жиілігі жылына 100 пациентте 22, анемияда жылына 100 пациентте 1,4 құрады.

Жағымсыз реакциялар тізбесі

Ксарелто ® пайдалану кезінде тіркелген жағымсыз реакциялар жиілігі жөнінде жинақталған деректер ағзалар жүйесі кластары (MedDRA) мен жиілігі бойынша төменде берілген.

Жағымсыз реакциялар жиілігі бойынша былай белгіленеді:

өте жиі (≥1/10)

жиі (≥1/100-ден <1/10 дейін)

жиі емес (≥1/1000-нан <1/100 дейін)

сирек (≥1/10000-нан <1/1000 дейін)

өте сирек (<1/10000)

жиілігі белгісіз (жиілігін қолда бар деректер бойынша анықтау мүмкін

емес)

Жиі (≥1/100-ден <1/10 дейін)

- анемия (сәйкесті зертханалық параметрлерді қоса)

- бас айналу, бас ауыру

- көзге қан құйылу (конъюнктиваға қан құйылуды қоса)

- артериялық гипотензия, гематома

- мұрыннан қан кету, қан түкіру

- қызылиектен қан кету, асқазан-ішектен қан кету (ректальді қан кетуді қоса), асқазан-ішек жолы ау-мағының және абдоминальді аумақтың ауырулары, диспепсия, жүрек айну, іш қату*, диарея, құсу*

- қышыну (денеге жайылған қышынудың жиі емес жағдайларын қоса), бөртпе, экхимоздар, терідегі және тері астындағы қан құйылулар

- аяқ-қолдың ауыруы*

- урогенитальді жолдан қан кету (соның ішінде гематурия және меноррагия**), бүйрек жеткіліксіздігі (соның ішінде қандағы креатинин деңгейінің жоғарылауы, қандағы мочевина деңгейінің жоғарылауы)*

- қызба*, шеткері ісінулер, жалпы хал-ахуалдың нашарлауы (қажу мен астенияны қоса)

- трансаминазалар деңгейінің жоғарылауы

- жүргізілген емшаралардан кейін қан құйылу (соның ішінде операциядан кейінгі анемия және жарадан қан кету), қанталау, жарадан бөлінетін бөліністер*

Жиі емес (≥1/1000-нан <1/100 дейін)

- тромбоцитемия (соның ішінде тромбоциттер санының артуы)*

- тромбоцитопения (постмаркетингтік тәжірибе барысында Ксарелтоны ® қолданумен уақыттық өзара байланысы да байқалды)

- аллергиялық реакция, аллергиялық дерматит

- миішілік және бассүйекішілік қан құйылулар, естен тану

- тахикардия

- ауыздың кеберсуі

- бауыр функциясының бұзылуы

- есекжем

- гемартроз

- өзін-өзі нашар сезіну, соның ішінде дімкәстану

- қандағы билирубин, сілтілік фосфатаза*, лактатдегидрогеназа (ЛДГ)*, липаза*, амилаза*, гаммаглю-тамилтрансферраза (ГГТ*) деңгейлерінің жоғарылауы

- ангионевроздық ісіну және аллергиялық ісіну (постмаркетингтік тәжірибе барысында Ксарелто ® қолданумен уақыттық өзара байланысы да байқалды)

Сирек (≥1/10000-нан <1/1000 дейін)

- сарғаю

- холестаз, гепатит, гепатоцеллюлярлы зақымдануды қоса (постмаркетингтік тәжірибе барысында Ксарелто ® қолданумен уақыттық өзара байланысы да байқалды)

- бұлшықеттерге қан құйылу

- жергілікті ісіну*

- конъюгацияланған билирубин деңгейінің жоғарылауы (аланинтрасфераза қатарлас жоғарылағанда немесе онсыз)

- жалған тамыр аневризмасы (жедел коронарлық синдромнан кейінгі пациенттерде (коронарлық та-мырларға жасалған тері арқылы араласудан соң) атеротромбоз оқиғаларының профилактикасында «жиі емес» сипатта байқалды)

Жиілігі белгісіз:

- қан кету салдарынан болатын компартмент-синдром

- гипоперфузия дамуы үшін жеткілікті қан кету салдарынан болатын бүйрек жеткіліксіздігі/жедел бүй-рек жеткіліксіздігі

* ересек пациенттерде тізе немесе ұршық буындарын эндопротездеуден кейінгі ВТЭ профилактикасын жүргізу кезінде байқалды

** <55 жас шамасындағы әйелдерде ТВТ, ӨАТЭ емінде және олардың қайталану профилактикасында «өте жиі» сипатта байқалды

Кейбір жағымсыз реакциялар сипаттамасы

Ксарелтоның ® фармакологиялық әсер ету механизмін ескерсек, оны қолдану кез келген ағзалар мен тіндерден жасырын немесе айқын қан кетудің жоғары қаупімен қатар жүруі мүмкін, ол геморрагиядан кейінгі анемияға әкелуі мүмкін. Белгілері, симптомдары және ауырлығы (өліммен аяқталуды қоса) қан кетудің орналасқан жері мен ауырлық дәрежесіне немесе ауқымдылығына және/немесе анемияға қарай өзгеріп отырады («Қан кетуді емдеу» бөлімін қараңыз).

Клиникалық зерттеулерде шырышты қабықтардан қан кетулер (мысалы, мұрыннан, қызылиектен, ас-қазан-ішектен, несеп-жыныс жолынан) және анемия, K дәрумені антагонистерімен (КДА) салыстырған-да, Ксарелтомен ® ұзақ уақыт емдеу кезінде жиі білінді. Демек, талапқа сай клиникалық тексеруге қо-сымша, қажет болса, жасырын қан кетуді анықтау үшін гемоглобин/гематокрит деңгейін зертханалық анықтау маңызды болуы мүмкін.

Пациенттердің, мысалы, бақыланбайтын ауыр артериялық гипертензиясы бар және/немесе гемостазға ықпал ететін препараттармен қатарлас емделетін кейбір топтарында қан кетудің даму қаупі жоғары болуы мүмкін («Айрықша нұсқаулар» бөлімін қараңыз). Етеккірлік қан кетулер ұзақтау уақытқа созы-луы және қарқынды болуы мүмкін. Геморрагиялық асқынулар әлсіздік, бозару, бас айналу, бас ауыру, түсініксіз ісініп кету, ентігумен немесе түсініксіз шок күйімен көрініс беруі мүмкін. Кейбір жағдайларда анемия салдарынан болатын кеуденің ауыруы немесе стенокардия сияқты миокард ишемиясының симптомдары байқалды.

Ауыр қан кету cалдарынан Ксарелтоны ® қолданғанда гипоперфузия нәтижесіндегі компартмент-син-дром мен бүйрек жеткіліксіздігі сияқты белгілі асқынулар да тіркелген. Сондықтан антикоагулянттар қабылдайтын кез келген пациент жағдайын бағалағанда қан құйылу мүмкіндігін қарастыру керек.

Ішке қабылдауға арналған.

Ксарелто 15 мг және 20 мг ас ішу кезінде қабылдану керек.

Егер пациент таблетканы бүтіндей жұтуға қабілетсіз болса, таблетканы ұсақтап, тура қабылдар алдында сумен немесе жұмсақ тағаммен, мысалы, алма езбесімен араластырып ішуге болады, одан кейін тамақты бірден ішу керек.

Ұсақталған Ксарелто ® таблеткасын асқазан зонды арқылы енгізуге болады.

Ксарелтоны ® қолданар алдында асқазан зондының дұрыс орналасқанына көз жеткізген жөн. Ұнтақталған таблетканы асқазан зонды арқылы аздаған су мөлшерімен бірге енгізу керек, одан кейін оны сумен жуып, артынан энтеральді қорек енгізу қажет.

Клапанды емес жүрекшелер фибрилляциясы бар пациенттердегі инсульт пен жүйелі эмболия профи-лактикасы

Ұсынылатын доза күнделікті тәулігіне бір рет 20 мг (1 таблетка) құрайды.

Бүйрек жеткіліксіздігі орташа (креатинин клиренсі 30-49 мл/мин) пациенттерге ұсынылатын препарат дозасы күнделікті тәулігіне бір рет 15 мг құрайды.

Емдеуді инсульт пен жүйелі эмболия профилактикасының артықшылығы қан кету қаупінен басым болған жағдайда ұзақ уақыт жалғастырған жөн.

Доза қабылдауды өткізіп алу кезіндегі әрекеттер Егер кезекті доза қабылдауды өткізіп алса, пациент Ксарелтоны дереу қабылдап, келесі күні ұсынылған режимге сәйкес препаратты жүйелі қабылдауды жалғастыруы тиіс. Бұрын өткізіп алған дозаның орнын толтыру үшін қабылданатын дозаны екі еселеуге болмайды.

Ең жоғары тәуліктік доза

Препараттың ең жоғары ұсынылатын тәуліктік дозасы тәулігіне 20 мг құрайды.

Терең веналар тромбозын (ТВТ) және өкпе артериясының тромбоэмболиясын (ӨАТЭ) емдеу, қайталанатын ТВТ және ӨАТЭ профилактикасы

Жедел ТВТ немесе ӨАТЭ бастапқы емдеуге ұсынылатын Ксарелто ® дозасы алғашқы 3 аптаның ішінде тәулігіне екі рет 15 мг құрап, қайталанатын ТВТ және ӨАТЭ профилактикасы мен емін жалғастыру үшін тәулігіне бір рет 20 мг Ксарелто ® қабылдауға ұласады.

Емдеу ұзақтығы емдеудің қан кету қаупіне қатысты пайдасын мұқият бағалаудан кейін әркімде жеке таңдалуы тиіс. Қысқа мерзімді ем (кемінде 3 ай) транзиторлы (өтпелі) қауіп факторларына (таяуда жасалған операция, жарақат, иммобилизация) негізделуі тиіс. Ұзағырақ созылатын ем тұрақты қауіп факторларының немесе идиопатиялық ТВТ немесе ӨАТЭ бар- жоғына негізделуі тиіс.

Доза қабылдауды өткізіп алу кезіндегі әрекеттер

Препаратты жүйелі қабылдау режимін ұстану ұсынылады.

Егер тәулігіне екі рет 15 мг дозаны қабылдау кезінде кезекті дозаны қабылдауды өткізіп алса (емдеудің 1-21 күндері), пациент 30 мг тәуліктік дозаның түсуін қамтамасыз ету үшін дереу Ксарелтоны ® қабыл-дауы тиіс.

Бұл үшін 15 мг дозадағы Ксарелтоның ® 2 таблеткасын бір мезгілде қабылдауға болады. Келесі күні ұсынылған режимге сәйкес тәулігіне 2 рет 15 мг дозада препаратты жүйелі қабылдауды жалғастырған жөн.

Егер тәулігіне 1 рет 20 мг доза қабылдау кезінде препаратты қабылдауды өткізіп алса (22 күннен бастап), пациент тәуліктік 20 мг дозаның түсуін қамтамасыз ету үшін Ксарелтоны ® дереу қабылдауы тиіс. Келесі күні ұсынылған режимге сәйкес тәулігіне бір рет 20 мг дозада препаратты жүйелі қабыл-дауды жалғастырған жөн. Бұрын өткізіп алған дозаның орнын толтыру үшін қабылданатын дозаны екі еселеуге болмайды.

Ең жоғары тәуліктік доза

Препараттың ұсынылатын ең жоғары тәуліктік дозасы емделудің алғашқы 21 күні бойына тәулігіне 30 мг құрайды.

Препараттың ұсынылатын ең жоғары тәуліктік дозасы 22-ші күннен бастап 20 мг құрайды.

Пациенттердің жекелеген қауымдары бойынша қосымша ақпарат

Бауыр жеткіліксіздігі бар пациенттер

Ксарелто бауыр циррозына (Чайлд-Пью бойынша В және С класы) шалдыққан пациенттерді қоса, клиникалық мәнді қан кету қаупіне себеп болатын коагулопатиямен қатар жүретін бауыр аурулары бар пациенттерге қарсы көрсетілімді («Қолдануға болмайтын жағдайлар» бөлімін қараңыз).

Басқа да бауыр аурулары бар науқастарға дозалануын өзгерту қажет емес («Фармакологиялық қасиеттері/Фармакокинетикасы» бөлімін қараңыз).

Бауыр жеткіліксіздігі орташа ауыр (Чайлд-Пью бойынша В класы) пациенттерден алынған қолда бар шектеулі клиникалық деректер препараттың фармакологиялық белсенділігінің едәуір күшеюін көрсе-теді.

Бауыр жеткіліксіздігі ауыр (Чайлд-Пью бойынша С класы) пациенттер үшін клиникалық деректер жоқ («Қолдануға болмайтын жағдайлар» бөлімін қараңыз).

Бүйрек жеткіліксіздігі бар пациенттер

Клапанды емес жүрекшелер фибрилляциясы бар пациенттердегі инсульт пен жүйелі эмболия профи-лактикасы Ксарелто бүйрек жеткіліксіздігі жеңіл (креатинин клиренсі 50-80 мл/мин) пациенттерге тағайындалғанда дозасын түзету қажет емес.

Бүйрек жеткіліксіздігі орташа (креатинин клиренсі 30-49 мл/мин) пациенттерге ұсынылатын доза тәулігіне бір рет 15 мг құрайды.

Бүйрек жеткіліксіздігі ауыр (креатинин клиренсі минутына <15-29 мл) пациенттерден алынған қолда бар шектеулі клиникалық деректерде осы пациенттерде ривароксабан концентрациясының едәуір жоғарылауы көріністеледі. Осы санаттағы пациенттерді емдеуге Ксарелто 15мг сақтықпен қолданылу керек.

Ксарелтоны креатинин клиренсі <15 мл/мин пациенттерде пайдалану ұсынылмайды («Қолдануға болмайтын жағдайлар», «Фармакологиялық қасиеттері/Фармакокинетикасы» бөлімдерін қараңыз).

ТВТ және ӨАТЭ емі, қайталанатын ТВТ және ӨАТЭ профилактикасы

Пациенттер алғашқы 3 апта бойы тәулігіне екі рет 15 мг қабылдауы тиіс.

Артынан ұсынылатын доза тәулігіне бір рет 20 мг құрайды. Бағаланатын қан кету қаупі пациентте қайталанатын ТВТ және ӨАТЭ қаупінен артық болса, дозаны тәулігіне бір рет 20 мг-ден тәулігіне бір рет 15 мг дейін азайтуды қарастыру керек. Тәулігіне бір рет 15 мг пайдалану жөніндегі нұсқау фарма-кокинетикалық үлгіленуіне негізделген және осы жай-күй кезіндегі клиникалық жағдайларда зерттел-ген.

Ксарелто ® бүйрек жеткіліксіздігі жеңіл (креатинин клиренсі 50-80 мл/мин) немесе бүйрек жеткіліксіз-дігі орташа (креатинин клиренсі 30-49 мл/мин) пациенттерге тағайындалғанда дозаны түзету қажет емес.

Бүйрек жеткіліксіздігі ауыр (креатинин клиренсі 15-29 мл/мин) пациенттерден алынған қолда бар шектеулі клиникалық деректерде осы науқастарда ривароксабан концентрацияларының едәуір жоға-рылауы көріністеледі. Осы санаттағы пациенттерді емдеуге Ксарелто сақтықпен қолданылу керек.

Ксарелтоны ® креатинин клиренсі &lt;15 мл/мин пациенттерде пайдалану ұсынылмайды («Қолдануға болмайтын жағдайлар», «Фармакологиялық қасиеттері/Фармакокинетикасы» бөлімдерін қараңыз).

Клапанды емес жүрекшелер фибрилляциясы бар пациенттердегі инсульт пен жүйелі эмболия профи-лактикасында K дәрумені антагонистерінен (КДА) Ксарелтоға ® ауысу КДА қабылдауды тоқтату керек, әрі ХҚҚ ≤3,0 дейін төмендегенде Ксарелто ® емін бастау керек. Пациенттерді КДА-дан Ксарелтоға ® ауыстырғанда Ксарелто ® қабылдаудан кейін ХҚҚ мәндерінің жалған жоғарылауы болады. ХҚҚ Ксарел-тоның ® антикоагулянтты белсенділігін анықтауға жарамайды, сондықтан да бұл мақсатта пайдала-нылмауы тиіс («Дәрілермен өзара әрекеттесуін» қараңыз).

ТВТ және ӨАТЭ емінде, қайталанатын ТВТ және ӨАТЭ профилактикасында K дәрумені антагонистерінен (КДА) Ксарелтоға ® ауысу

КДА қабылдауды тоқтату керек, әрі ХҚҚ ≤2,5 дейін төмендегенде Ксарелто ® емін бастау керек. Пациенттерді КДА-дан Ксарелтоға ® ауыстырғанда Ксарелто ® қабылдаудан кейін ХҚҚ мәндерінің жалған жоғарылауы болады. ХҚҚ Ксарелтоның ® антикоагулянтты белсенділігін анықтауға жарамайды, сондықтан да бұл мақсатта пайдаланылмауы тиіс («Дәрілермен өзара әрекеттесуін» қараңыз).

Ксарелтодан ® К дәрумені антагонистеріне (КДА) ауысу

Ксарелтодан ® КДА ауысу кезінде антикоагулянтты әсерінің жеткіліксіз болу ықтималдығы бар. Осыған орай, басқа антикоагулянтқа кез келген ауысу тұсында үздіксіз антикоагулянтты әсерді қамтамасыз ету қажет.

Ксарелто ® ХҚҚ артуына ықпал ете алатынын атап өту керек.

Ксарелтодан ® КДА-ға ауыстырғанда ХҚҚ ≥2,0 дейін артатын сәтке дейін КДА мен Ксарелто ® бір мезгілде қабылдану керек. Ауысу кезеңінің алғашқы екі күні ішінде стандартты бастапқы КДА дозасын қолдану керек;

ал артынан КДА дозасы ХҚҚ бойынша түзетіледі. Бір мезгілде Ксарелто ® мен КДА қабылдау кезінде келесі Ксарелто ® дозасын тура қабылдаудың алдында ХҚҚ Ксарелтоның ® алдыңғы дозасын қабыл-даудан кейін кем дегенде 24 сағат өткен соң барып анықталу керек. ХҚҚ нақты көрсеткіштерін Ксарел-то ® қабылдауды тоқтатудан кейін кемінде 24 сағат өткен соң алуға болады.

Парентеральді антикоагулянттардан Ксарелтоға ® ауысу

Парентеральді антикоагулянтты тоқтатып, Ксарелто ® қабылдауды парентеральді антикоагулянт (мы-салы, төмен молекулалы гепарин) келесі жоспарлы енгізілген сәттен 0-2 сағат бұрын немесе паренте-ральді антикоагулянтты үздіксіз енгізуді (мысалы, фракцияланбаған гепаринді вена ішіне енгізу) тоқ-татқан сәтте бастау қажет.

Ксарелтодан ® парентеральді антикоагулянттарға ауысу

Ксарелтоны ® тоқтатып, Ксарелтоның ® келесі жоспарлы қабылдану сәтінде парентеральді антикоа-гулянттың бірінші дозасын енгізу қажет.

Инсульт және жүйелі эмболия профилактикасы кезіндегі кардиоверсия

Ксарелто ® емін кардиоверсия талап етілетін пациенттерде бастауға немесе жалғастыруға болады. Өңеш арқылы эхокардиография (ӨАЭхо-КГ) бақылауымен жасалатын кардиоверсияда бұрын антикоа-гулянтты ем алмаған пациенттерде талапқа сай антикоагуляцияны қамтамасыз ету үшін Ксарелто ® емін кардиоверсиядан кем дегенде 4 сағат бұрын бастау керек.

Емдеудің басталуы мен ұзақтығы туралы мәселені шешкенде кардиоверсия жоспарланған пациенттерде қолданымдағы нұсқаулықтарды есепке алу керек.

Балалар жасы

Балалар мен 18 жасқа толмаған жасөсапірімдерде қауіпсіздігі мен тиімділігі анықталмаған. Сондықтан Ксарелто балалар мен 18 жасқа толмаған жасөспірімдерде қолдануға ұсынылмайды.

Егде жастағы пациенттер

Науқастардың осы санаттарында дозаны түзету қажет емес.

Жынысы, дене салмағы немесе этникалық тегі

Осы критерийлер негізінде дозаны түзету қажет емес.