Флемоксин Солютаб 1000мг №20 таб.Астелас

- препаратқа және басқа да бета-лактамдық антибиотиктерге жоғары сезімтал-дық

- инфекциялық мононуклеоз және лимфолейкоз

- дереу типті аса жоғары сезімталдық (анафилаксия)

- 1 жасқа дейінгі балаларға

Жағымсыз әсерлердің жиілігі былайша белгіленеді: өте жиі (≥1/10), жиі (≥1/100, <1/10), жиі емес (≥1/1000, <1/100), сирек (≥1/10 000-нан <1/1000 дейін), өте сирек (<1/10000), белгісіз (жиілігіне қолда бар деректермен баға беру мүмкін емес).

Инфекциялар және инвазиялар: өте сирек – терінің және шырышты қабықтардың кандидозы

Қан жүйесі және лимфалық жүйе тарапынан: өте сирек - қайтымды лейкопения (ауыр нейтропенияны және агранулоцитозды қоса), қайтымды тромбоцитопения, гемолиз-дік анемия, сондай-ақ қан кету уақытының және протромбин уақытының артуы. Бұл көрі-ністер емдеуді тоқтатқан жағдайда қайтымды болып табылады.

Иммундық жүйе тарапынан:

өте сирек - ангионевроздық ісінуді, анафилаксияны, сарысу құю ауруын қоса, ауыр ал-лергиялық реакциялар және аллергиялық васкулит;

белгісіз – Яриш-Герксгеймер реакциясы.

Анафилаксиялық реакциялар дамыған кезде тиісті емді дереу бастаған жөн.

Жүйке жүйесі тарапынан: өте сирек - гиперкинезия, бас айналу, құрысулар.

Асқазан-ішек жолы тарапынан: диарея, жүректің айнуы, құсу, тілдің қара түске боя-луы (қара «түкті» тіл), антибиотикпен астасқан колит (жалған жарғақшалы энтероколитті және геморрагиялық колитті қоса).

Гепатобилиарлы бұзылулар: өте сирек - гепатит, холестаздық сарғаю, бауыр фермент-тері (АСТ, АЛТ) концентрацияларының орташа ұлғаюы.

Тері және теріасты тіндері тарапынан: бөртпе, есекжем, қышыну;

өте сирек - мультиформалы эритема, Стивенс-Джонсон синдромы, уытты эпидермальді некролиз, буллезді немесе эксфолиативті дерматит және жайылған жедел экзантематозды пустулез.

Бүйрек және несеп шығару жүйесі тарапынан: өте сирек - интерстициальді нефрит, кристаллурия.

Тағы басқалар: жалпы әлсіздік, суперинфекцияның дамуы, шырышты қабықтардың кан-дидозы, несептегі глюкоза деңгейін ферментативтік емес әдістермен анықтағанда және уробилиногенді анықтауға қатысты тесті жүргізгенде жалғаноң нәтижелер.

Препаратты тамақ ішуге дейін немесе кейін ішке қолданады. Таблетканы стакан сумен ішіп тұтастай жұтуға, бөліктерге бөлуге немесе шайнауға болады, сондай-ақ жағымды жеміс-жидек дәмі бар шәрбат (20 мл-де) немесе суспензия (100 мл-де) жасалатындай суда ерітуге болады.

Дозаны ауру барысының ауырлығына, пациенттің жасына байланысты, жекелей белгілей-ді.

Ересектерге және 10 жастан асқан балаларға ауырлығы жеңіл немесе орташа инфекция-ларда стандартты дозалау режимі: тәулігіне 2 рет 500–750мг-ден;

3–10 жастағы балалар үшін — тәулігіне 2 рет 375мг-ден немесе тәулігіне 3 рет 250мг-ден.

1–3 жастағы балалар үшін — тәулігіне 2 рет 250 мг-ден немесе тәулігіне 3 рет 125 мг-ден.

Балалар үшін препараттың тәуліктік дозасы 2-3 қабылдауға бөлінген, дене салмағына шаққанда 30–60 мг/кг құрайды. Ең төмен бір реттік доза 10мг/кг, ең жоғары тәуліктік доза 60 мг/кг.

Созылмалы ауруларда, аурулар қайталағанда, ауыр дәрежедегі ауруларда ересектерге препаратты тәулігіне 3 рет 0,75–1 г-ден тағайындайды;

балаларға — тәулігіне 2-3 қабылдауға, дене салмағына шаққанда 60 мг/кг.

Ересектер үшін ең жоғары тәуліктік доза — 6 г.

Асқынбаған жедел созда 1 қабылдауға 3 г препаратты 1 г пробенецидпен біріктіріп таға-йындайды.

Дене салмағы 40 кг-ден кем балалар  негізінен күн сайын 3 рет тәулігіне 30–60 мг/кг немесе 2 рет тәулігіне 15 мг-ден 30 мг/кг дейін қабылдағандары жөн. Балалар үшін ең жоғары тәуліктік доза дене салмағына шаққанда 60 мг/кг құрайды.

Ауырлығы жеңіл және орташа дәрежедегі инфекциялар жағдайында препаратты 5–7 күн бойы қабылдау керек. Алайда стрептококктан туындаған инфекция жағдайында емдеу ұзақтығы кем дегенде 10 күнді құрауы тиіс.

Асқазанның немесе он екі елі ішектің ойық жарасында Helicobacter pylori эрадикациялау үшін препаратты бекітілген халықаралық сызба бойынша кешенді ем құрамында – тәулі-гіне 2 рет 1 г амоксициллиннен тағайындайды.

Препаратты қабылдауды ауру симптомдары жоғалғаннан кейін 2–3 күн бойы жалғастыру қажет. Ауырлығы жеңіл және орташа инфекцияларда препаратты 5–7 күн бойы қабылдай-ды. Бета-гемолиздік стрептококктан туындаған инфекцияларда емдеу ұзақтығы кем деген-де 10 күнді құрауы тиіс.

Бүйрек функциясы бұзылған пациенттерде креатинин клиренсі 15-40мл/мин болғанда препаратты қабылдау аралығын 12 сағатқа дейін арттырады; КК минутына 10 мл-ден тө-мен болғанда препарат дозасын 15-50%-ға дейін азайтады; анурияда – ең жоғары доза тәулігіне 2 г.

Бауыр функциясы бұзылғанда дозаны түзету қажет емес.